爸爸最心愛既嘢

沖緊涼，

門外有人高聲呼叫。

「爸爸你最心愛既嘢係咩呀？」

「吓？？」

「你最心愛既嘢係咩？」

（心諗）咪你兩兜友仔囉！

「我要諗吓喎！」

「我知道喇，你最心愛既嘢係你部手機係咪！？」

（吹漲）

「係喇係喇⋯」

「咁你鍾意 Ironman 多啲，定雷神，定綠巨人、定⋯⋯」

（一連講咗十個八個超級英雄名字）

「⋯⋯ 雷神！」

結果出度嚟，

我就發現係「我最心愛嘅嘢」上高

竟然貼咗一張雷神既貼紙

仲要係⋯

特別既二創版本。