之前寫過一篇7個坐Uber HK你要知的貼士,我打開Uber帳號望望,原來坐Uber不經不覺快三年,現在積累了更多經驗,可以跟大家分享!

Call 車貼士

1) 唔好亂㩒 確認 按鈕

未準備好出門口,或未使叫車既情況之下,千祈唔好亂㩒 App 下方黑色既「確認」按鈕,因為一㩒咗,代表你發出order,一旦有司機接咗,如果唔能夠係5分鐘內取消,你可能要比$20蚊既取消費(但如果,司機在「預約到達時間」過了5分鐘後仍未能到達,取消order則不會構成罰款)!

2) 顯示冇車 都可以嘗試Call車

在繁忙時段,用Uber叫車有兩大問題:貴(乘大 1.X 甚至最高 5X 倍)同冇車。但「眼見未為真」,當你打開Uber App,當時顯示為「沒有車輛」,其實您也可以嘗試繼續「Call車」,我就試過在這種情況之下,Call到正常價格的Uber X!

3) 遇上「乘大」的價格,關閉App再打開2-3次

喺一啲異常情況,返工收工時段,或者返風落雨,Uber的收費會乘大變得好貴,仲會註明「車費因需求增加而升高」
如非必要,你唔需要立即確定比「貴價」,亦唔需要等個App那個30分鐘的通知。你可以試吓「強行終結」個App(Force Quit),等30秒至1分鐘,再開,睇下有冇降價,唔少時候,價格差幾分鐘已經有好大分別(當然係可加可減),但照上一個講法,就算顯示冇車,亦可以Call車,所以建議試至少2-3次結束同打開個App,睇吓有冇減價再作決定,不會花你太多時間。

4) 上車後, 有禮貌問聲司機熟唔熟路

坐Uber的經驗大部分很理想,最氣結的幾次,全因司機「唔識路」,或者「盲信Google Map」而浪費了寶貴時間。而且有個漏洞試過中招:如果你沒有輸入目的地,「旨意」司機,誰不知佢又唔識路,或者以為你入咗,然後盲信Google Map,但由於你冇輸入目的地,大意既司機就可能錯誤將「出發地」當成「目的地」,變相係繞咗一個大圈,然後回到起點!計多車費唔在話下,趕時間的話,都咪話唔火滾!

如果你真係唔識路,又唔識係Google Map入個目的地,咁就一定要同司機講清楚,有兩個可能:一,司機識路,搞掂;二,司機都唔識,但佢都可以靠Google Map,或者開車前搞清楚先。始終,Uber係以路程同時間計錢,走錯路既成本高到你唔信。

5) 點解我「仲未上車」 ,但睇App已經開始咗行程?

有時,部分既司機如果已經抵達上車點,但又未見乘客出現,係等你既時間,部分既司機會偷雞按下「Start Trip」,咁樣佢就可以係等你嗰陣收錢。如果遇到呢個情況,我既個人建議係,首先自問係咪真係令個司機等咗好耐,例如:佢已經等咗你10分鐘以上,而你又好快會上到車,其實司機都係揾食啫,可以係上車之後,客氣咁同佢問返聲,係咪早咗開始Start Trip就算。

但如果,明明你都唔係要佢等好耐,但人未上車,就已經「被啟程」,咁我個建你可以上車之後,有禮貌地問返個司機,係咪早咗開始按Start Trip,如果係,陣間落車前可唔可以早返少少按End Trip,因為咁樣對大家可以公平返,而且大事化小。相信大部分司機都會願意,因為佢地都唔想你俾粒1星星佢吖嘛!

6) 司機「行錯路」或「中途入油」點算?

或者司機行錯路又點?以前搭的士,不時都會出現唔夠油,司機要臨時揾油站既情況,其實坐Uber亦一樣。分別係,以前既司機會同你講收少返幾多錢,而家坐uberBLACK、uber 7seats同UberX,埋單係計你整體路程加時間,司機亦唔可以話收少幾多,點算?

唔使驚,只要你同司機講,叫佢係抵達目的地之前,預早按佢部機既「End trip」按鈕,咁就可以抵消返之前行多咗既路程。(但要幾早去end trip,就真係同以前一樣,靠大家自己去爭取)

7) 好想食煙,或者攜有寵物,搭得唔得?

由於Uber賣點是你的私人司機,所以好多用家以為搭Uber係消費者永遠是對的,但實際上每個Uber司機都有自己的個人喜好,有司機曾經同我講,自己真係接受唔到煙味,因而拒絕接載過一位堅持要食煙的乘客,同樣道理,不少人對貓狗或其他寵物會有敏感,因此建議大家如果好想食煙或攜帶寵物,請在確認司機後,立即致電對方坦誠溝通,否則有機會只是浪費了雙方面的時間。

8) 落車前可以溫馨提示新手司機「End Trip」

大部分Uber司機都非常專業,但亦新手司機就有可能唔記得End trip,如果意識司機相對新手,不妨落車前溫馨提示或問吓佢提醒一下。㩒咗「End trip」代表呢趟行程正式終結,如果新手司機唔記得㩒,而你又落咗車,咁張單繼續計錢,到時就真係口同鼻拗!

9) 一程車只可以用一個帳號既credit

筆者屋企有幾位家庭成員都用Uber,大家各自都有免費搭車credit,但一程車只可以用一個帳號既credit,唔好以為可以夾埋用,或者同司機夾埋,中途落車再上車,用盡唔同帳號既credit。點解?因為用Uber叫車唔可以指定司機,你中途落咗車之後,有可能叫唔返同一個司機,或者佢已比第二個乘客預約咗,咁就會好麻煩。

賺 Uber Credit 貼士

10) 登記用Uber 基本材料

– Uber App。係App Store或者Google Play Store搜尋「Uber」然後下載。
Download URL: (iOS) / (Google Play)

– 電郵地址開戶。可以用Facebook Acct或者Google Acct一按開戶,否則要自己再入電郵地址同設定密碼,之後會收到每次搭車既帳單。

– 收到SMS既電話號碼。個號碼用嚟同司機聯絡,所以一直至揾到你,Uber會傳送一個SMS嚟確認你既號碼。

– 信用咭。坐Uber唔使用現金,用晒免費搭車credit之後,都係用信用咭找數。

11) 第一次登記點攞$50免費任搭credit?

方法1:馬上透過以下連結登記:http://bit.ly/uberhkmickey

方法2:裝App及完成登記後,打開Menu,揀「Promotions」,然後輸入筆者既代號「ubermickeyf26,就可以攞到$50蚊任搭credit!(係你真正第一次坐過Uber之後,筆者亦會收到$50 credit。

12) 介紹你的家人朋友登記和使用Uber

當你用過Uber,亦可透過以上方法,介紹你的家人朋友登記和使用Uber,賺取更多credit。你的Uber代號,可於「Menu」﹣> 「Payment」頁面的下方找到。

免費乘坐 Uber 方法:
下載 Uber App 後於 Promotions 輸入「ubermickeyf26」優惠序號
Advertisements