與其仇富　不如學理財

細個嘅時候，無論係學校嘅教育，抑或係屋企嘅長輩，對於「理財」這些觀念，都是重複又重複地洗腦，生日禮物係豬仔錢罌，於銀行開兒童戶口，當年都係送錢罌一個，大人話，將利是錢通通儲起，等第時讀大學嗰陣交學費用。

最後結果，儲起的錢，當然並沒有真的拿去交學費。反而讀大學嘅時候，見到唔少同學仔，未畢業就已經碌爆信用卡，仲唔只碌爆一張。結果，一個個未畢業先破產，打工 7、 8年後先至接近還清卡數。呢種現象，究竟算係教育嘅失敗，抑或只係社會嘅自然發展，我真係唔係好識分。尤其係當大家睇見刻下歐洲、美國的危機，連堂堂大國，基本上都一樣債務纏身，試問又點可以強求年輕人？

近年在年輕人的圈子裏，流行仇富，因為他們自我、對生活有要求，卻看不見明天，覺得沮喪，尤其大學畢業出到社會工作過幾年的，感受更深。這促使到不少人投身社運，爭取政治改革，希望扳倒政府，但骨子裏，仇恨的可能是富人或者工作時遇到的老闆。

話說回來，政府無能固然是事實，但正因為政府無能，我們更應該靠自己嘅努力去改善生活。莫說曾蔭權，連奧巴馬對美國經濟都束手無策的時候，我們與其寄望政府打救，何不自己動腦筋，解決目前的難題。例如怎樣擺脫一份不喜歡的工作？如何在樓價高企之下置業？或者按興趣發展自己嘅事業？

其實答案很簡單，要擺脫困境，要有自由有選擇，必須要有足夠的條件，要有條件的就要學好理財。如果生活需要憂慮明天沒錢食飯，沒錢養家，哪有心情為理想拼搏？而終日憂這憂那，身體健康都不會好。人生苦短，做任何事情，金錢不應該是目標，但沒有錢，就像要開一輛沒有汽油的車子，你甚麼地方都去不到，甚麼理想、夢想都要成為泡影。

以前我說：「與其跟大隊仇富，倒不如創業」，現在，我卻說：「與其跟大隊仇富，倒不如學好理財，然後走自己的路。」

2011年9月24日刊於蘋果日報

立即郵購，喺香港地址，價錢一樣，仲免郵費！