唉，昔日笑舊媒體，成日寫新媒體，結果…
終於真真正正痛痛快快親身地運用新媒體一趟… 用它來攪慈善，連我自己都有點意想不到。
善事我好少做，每逢賣旗日，啲細路同我講：「哥哥仔買支旗吖！」我總喺會微笑著咁大聲回答一聲：「Dee Dee早晨！」然後急急腳閃身而過。老實講，我真喺唔相信比兩蚊買支旗會幫到人。真喺要幫，我不如先幫咗我身邊既屋企人親人朋友同事先啦，尤其最近咁既環境。換句話講，我相信做善事，應該由身邊既人做起。
身邊既人，除了屋企人，就係鄰人，街坊，街里… 記得喺barcamp，我講過咁既一句：「明明喺附近，偏偏唔識得」。意思就係，有好多潛在既知己朋友，明明喺自己附近，郤又偏偏唔識得。街坊街里之間，其實喺無一個可以經常溝通的渠道，同事至少可以每日喺辦公室見到。
*****
海嘯當下 互助共濟
我跟我的geek同事，誤打誤撞無心插柳之下開發了這個平台 ── 一個讓街坊街里能互相交換交易東西的網站。然後，我又忽然覺得它可以用來幫助一下在金融海嘯之下艱難的一群，於是找了一個NGO、一個學校和幾個屋苑，聯合大伙兒，以新媒體平台嘗試攪一次地區義賣活動。
除了義賣所得全數捐予仁愛堂之外，活動還有兩層意義。一方面，鼓勵家庭騰出多餘的家品家具，減少廢棄物，物盡其用；另一方面，家庭購買二手義賣貨品，做善事之餘，又能減少開支。到最後，不管街坊係互相交換家品、買賣二手家俬套現、定還是過年前大掃除之餘做點善事。我覺得，總算踏出咗第一步，對自己，算作做了一個新媒體的地區服務實驗，對他人，亦提供了多一個平台方便將軍澳區的街坊街里。
最後，我想向有對新媒體有憧憬既朋友求助，是次活動，雖然得到屋苑法團業委、NGO再加上學校既支持（非常感謝佢地相信並嘗試新媒體），但係活動本身依然欠缺大量義工！
如果你有興趣親身近距離體驗如何利用親媒體做慈善地區服務（其實同社企好相似），又或者你本身都係住係將軍澳社區，有興趣幫手參與社區事務，呢個活動都好需要你伸出援手，喺我地既義賣站幫手做義工（主要職責喺睇住仁愛堂個錢箱同埋教啲街坊上網）。
以下喺活動詳情，有興趣參與既朋友，您可以透過呢個網誌、gmail又或者twitter話我知。
活動日期 5/1/09 -24/1/09
主辦單位：義賣送暖活動籌委會
協辦屋苑：彩明邨、建明邨、唐明苑、維景灣畔、將軍澳中心
協辦學校：匯知中學
協辦網站：二賣網（http://deetool.com）
贊助機構：香港寬頻，數碼通寬頻，領匯
尹思哲 
下….? 你唔係下嘛?
2.0 的精神在於集腋成裘, 而賣旗正是原始的實例, 只是因為物理限制, 冇 web 2.0 咁無遠弗屆, 效用會少些o者。但如果你 buy charity 2.0, 咁又點可以唔 buy 賣旗呢?
你話先幫身邊人, 好有同感。咁, 你可有諗過, 拎支旗俾你o個位小朋友, 正是你的其中一個身邊人? 你幫佢買一支旗, 係加強佢相信「人間有情, 集腋成裘」的信念。佢拎住個滿滿o既旗袋報到時, 心裡的滿足感令佢肯定做個好人係開心o既 …
何況, d 賣旗活動係真係幫到 d 慈善團體架, 雖然你可能成世人都遇唔上 d 受助者, 但反正你都可能成世遇唔上 d 讀者或齊齊參與 charity 2.0 的網友咁啦 …
地球是平的, 又何須局限身邊人必須是自己能見能觸摸者呢?
我也覺得好奇怪，而且基本上這個所謂的二手平台也要和不認識的人有交流才能成事。
不過，賣旗的效益不甚了了，是因為籌得的錢真的未必太多，而不是因為中間有人「落格」，希望不要有任何誤會。我見到有人賣旗會先看看那一間NGO在籌款，如果是信譽良好才會買的。
@Catitude
多謝你既意見。我十分同意「地球是平的，又何須局限身邊人必須是自己能見能觸摸者呢？」
我的意思是，在當下的環境，我會選擇首先幫自己身邊的人，例如子女、親友、長輩、朋友、街坊、同事… 因為這些人跟我有相連的關係，有感情。
另，相信不能否認的是，能見能觸及者，例如家人/街坊，你才能直接親手行善，並不用假手於人。
舉個例，你可以透過NGO捐錢給第三世界的一個不認識的兒童；與此同時，你也可以替忙不過來的鄰居照顧孩子。當然，都是一般幫人，沒有比較的必要，但我會先選擇幫助身邊的人。
更重要是，其實，人人可以參與，不用假手於中間人，這才是web2.0精神真正所在。君不見YouTube、eBay嗎？
@瘋腿
同意你所講，要視乎那家NGO在籌款，做個負責任的善長仁翁，畢竟每家NGO的行政費用水平和受惠對象各有不同呀！
一場海嘯，令到大家發揮更多的創意，以及更關懷別人
支持你平台的行動！
@湯記
多謝！
思哲,
提早同你講句Merry X’mas
@馬沙
也祝您平安夜平安，聖誕節快樂，新既一年順順利利。
思哲,
大家咁話!
平安夜，可以幫到更多既人就更好
有咩幫到手請出聲 ^_^
@moming2K
Merry Christmas! Walkamap用戶節節攀升!