孫柏文尋日寫Macworld，今日又輪到思哲。
Keynote完結後，Apple股價卻只稍微升一點，表現跑輸NASDAQ。前一年，iPhone甫出，Apple股價隨即升空，RIM和Palm卻同時急瀉。在這年，類似的情況，卻沒有出現在Sony和Fujitsu的股價身上。
無可否認，薄如蟬翼的Macbook Air，感覺性感，縱使不便宜，亦能挑起眾消費者的購買慾念，Apple的設計師深明Sex Can Sell的道理。往年焦點iPhone，全年賣出4百萬部。銷售成績好，Steve Jobs其後對記者說，Google的Android手機平台，只會傷害Google本身，多於幫助他們，思哲百思不得其解。
另一個謎團，孫柏文昨天也寫了一點。他說，從Steve Jobs推出既產品，亦即Macbook Air和Itunes出租電影，是否已見到DVD、電訊商既未路？
先說前者，Macbook Air率先不內置DVD光碟機，同一時間，又強調網上租碟業務，取得悉數荷李活發行商支持。他日，許多的荷李活猛片，DVD推出兩星期後，iTunes store亦隨即出租。
簡言之，即以頻寬代替DVD，擁抱互聯網，捨棄DVD。但吊詭的是，Macbook Air卻不支援Ethernet，完全是一部無線機器。Steve Jobs稱電影支援高清，但高清內容體積大，只靠WiFi，用戶又要多久完成下載，還是，新服務也採用像YouTube的串流技術？
怪不得，有前往Macworld的博客說，於專為博客而設的「Blogger Lounge」裡頭，最受觀迎的，並不是新鮮出爐的Macbook Air，而是專為第三世界兒童而設的OLPC。
2007年1月18日刊於《蘋果日報》
尹思哲 
如果我係成日會四圍飛的話，咁 macbook air 既 config 絕對好吸引，其實如果唔係入手左 macbook pro 的話，我依家應該己經訂左
> Steve Jobs稱電影支援高清，但高清內容體積大，只靠WiFi，用戶又要多久完成下載
點解咁講呢? 我自己用WiFi用左6年幾..由最初因為間屋o既原因迫住要用, 用到而家好enjoy隨時可以拎部laptop隨屋上網
其實WiFi已經好穩定好同快, 就算插住條線個速度真可快得過無線, 都只係LAN既速度, WAN的話都唔會用得盡呀 (FTTH 1000M另計)
自己在街上用WIFI的經驗實在太差（不是斷線就是不能連接，LATENCY也高）
再講，WIFI理論速度11M，實際的throughput卻好受環境影響，行遠少少或開左微波爐，隨時跌到得返一半頻寬
印象中
mac 同 windows 在wifi 的實施 throughput 都是不同的
mac 好似可以去到七成度
windows 五成度
當然指同個router 好貼
街上面用Wifi真係冇咩好o既經驗..我呢排o係香港成日去麥記同Starbucks上網, 我發覺斷線唔係因為Wifi連接唔好, 而係佢地個network本身有問題..連接本身係無問題但佢地個network成日都無啦啦kick人走要你重新sign-in過
我o係加拿大間屋個router擺o係basement, o係樓上用MacBook過file落其他電腦, 都去到5MB(即係大約40Mb)
一般寬頻出街都係得用得70-80%, 以HKBN BB100為例出街可能只去到80Mb, 而且只係講緊本地以內, 連去海外連20Mb都未必有, 所以我覺得Wifi其實好夠用
不過諗諗下其實用Wifi定Ethernet都唔係重點, 因為Movie Rental呢個service而家只係得美國用戶可以用到, 而佢地既寬頻最高速度都唔過10Mb…
而且串流技術係一定有, 如果唔係Steven Jobs都唔敢講由落order到開始睇只需要30秒