晚黑返到公司，見寫字有個鞋盒，打開居然係一把扇同一支叫「碧螺春」無糖綠茶。心諗：「邊個衰鬼知我呢排燥熱，又綠茶又扇咁。」
鞋盒同支綠茶分別印住DrinkaZine嘜頭，最抵死後面仲印住BETA一字，十足aNobii、Editgrid班互聯網公司一樣。
依稀有點印象，幾個月前收過一個電郵，對方自稱是創業家，有個雜誌混合健康飲品創業概念，著我們給意見。思哲心諗：「講多無謂，好飲最實際」，回覆對方不妨寄支黎試下，想不到最後真的寄來了。
綠茶拎上手，除了印上一篇知名博客的文章，基本上跟一支普通大陸牌子綠茶分別不大，雜誌的感覺不強。不過始終飲料，講究色香味，這支綠茶未飲先覺香，但飲落只感極淡，名副其實健康飲料，但對口味不太健康的人，可能不夠甜。
驟眼見前面有支約翰走路牌blacklabel威士忌，將兩種飲料溝埋，嘗試轉換身份，從一個酒鬼角度品評，飲落甘甘，味道怪怪，威士忌的香味，依然未能蓋掩綠茶的香味。
酒過三巡，見介紹卡上提出Drink + Magazine = Drink2.0的嶄新意念，激起思哲無限想像。矇矓之中，但見一班浦友手上拿DrinkaZine的健康飲品系列，你飲一啖，佢接一口，將酒色財氣2.0的分享貢獻精神，發揮得淋漓盡致，罪過罪過。
事實上，無論2.0與否，呢支綠茶使我諗起孔慶祥名句「I already gave my best, and I have no regrets at all.」知道DrinkaZine最近成功登上超市貨架，恭喜你。
2007年9月6日刊於《蘋果日報》
伸延閱讀 – 渣兄也試飲
尹思哲 
個故仔幾nice吖，不如搵日介紹比我識。
:p
小弟尚未領取 Drinkazine “肥汁先生" 盛意拳拳的贈飲, 不過單看 Sidekick 網誌上的贈品圖片, 又扇又盛咁, 仲有埋個極具收藏價值, 好似收藏寶劍既禮盒, 真係非常頂癮!
渣估覺得呢間位於觀塘的公司, 都幾落本晌包裝推廣方面, 雖然唔環保, 但係又真係令受禮者拍案叫驚奇!
思哲兄你諗到用黎溝酒飲, 個人係咪冇咁燥?