如果我是羅友禮

今年4月，維他奶宣布了自從CEPA開通，銷往大陸的產品數量，累計終於超越了1000萬包，股價連創新高；作為公司主席兼執行董事的羅友禮，最近應該好開心。

如果我是羅友禮，就一定不會讓好消息停下去。翻查資料，原來為了強化年輕市場，半年前檸檬茶換了新包裝，仲無聲無息地，辦了一個甚麼模特兒選拔賽。既然近期檸檬茶成為新聞熱話，他們何不借此良機，乘勢宣傳一下？

如果比我，先舉 辦一個Campaign，凡持有准考證的學生，到各大超市或便利店，均可免費換一盒維他檸檬茶。區區十多萬包飲品，站在公司立場是低成本的禮物，但對那些誤選 試題、前途未卜的學生，卻是一盒百般滋味的集體回憶。

另外，也要配合黃金時段的電視廣告，Slogan設計，應該放棄現在過於空泛的「我味道、我型造」，圍繞公開考試來玩，例如「考試唔識呀，飲包檸檬茶先啦！」或者「咩你無飲維他檸檬茶咩？」之類。事實上十幾萬會考生，就是公司夢寐以求的年輕市場，絕對物有所值。

以而家檸檬茶係博界咁紅，思哲敢跟大家打賭，以上計劃如果唔成功，《案內人隨筆》就乾脆改名《案內人除褲》。但我有個條件，就是廣告一定要盡快出街，最好一個星期之內。

2007年5月2日刊於《蘋果日報》

同場放映：兩個維他集體回憶

1994 – 邊個都要比面

1996年 -你知道我在等你嗎