岩岩，睇有線電視新聞，熒光幕上，出現了哥利賓特。這位後生仔，幼時斷了一臂。佢熱愛籃球，努力不懈，堅持練波，終於，感動了球隊，比佢上場比賽。電視轉播了，佢入球一刻，全場喝采了。
見到哥利賓特，想起經常自怨自艾的人，這裡想發些少牢騷。
員工怨老闆：「我捱更抵夜，身水身汗，淨係賺得個雞碎咁多！」
女友怨男友：「真係要諗清楚同唔同佢一齊呀，$63.8就睇清楚佢喇！」
老婆怨老公：「嫁左你之後，淨係同你捱，生活都未好過！」
思哲的睇法，是人人可以靠自己一雙手，追尋各式各樣的快樂，那就很好了。
我們享受過程、享受努力、享受付出、甚至乎，享受一時的挫折和失敗。生意如是，戀愛如是，婚姻如是。
結果係點，真係咁重要？
尹思哲 
“$63.8″有沒有特別意思?還只是個虛數?
我鐘意呢個 post ，好親切。
$63.8 ，係咪一餐飯？
Dear ll & Gideon,
係「幾包零食」。
原諒我沒有鏈結原文。
wanszezit
我現時的工作，是畢業後的第一份工，雖然人工不算高，但至少是靠自己努力找回來的工作！
工作的過程我很享受，結果我也不會計較。
相比身邊的朋友和世界，有時不明白為何他們把結果視之為「天字第一號」？
高人工、好學校、學多重知識等等，是否真的只為結果，不問過程？
致各位未聽過六十三個八事件的網友：
http://evchk.wikia.com/wiki/63.8
霍金教授云：「What more could I ask for？」
.
我們原本都想做享受過程、享受努力、享受付出的人，但似乎最後只會得到人工不算高，被大財閥壓榨的結果。
人在江湖，身不由己；你不吃飯，家裡總會有人要吃飯。目標（金錢）為本的人生，可悲也。
Dear Running,
揾到好工，恭喜你，更加恭喜你老闆，請到一個好員工。
Dear 杜B,
謝謝。但有一點，我一直好唔明，佢唔想比個$63.8，點解唔開心見成，直接同男朋友講呢？
Dear idiotSupremo,
閣下的《老友偈偈》好好睇，圖畫美麗，睇到利慾薰心的思哲茅塞頓開。
Dear 豹哥,
你覺得而家份工沒有機會嗎？
點解唔開心見成，直接同男朋友講呢？
女人係奇怪的動物…..
你問吓三十以上高學歷單身女士擇偶要求,個個都話自己要求不高,但當你聽完後,就知道她們想要的早已成家立室,冇機會也!
To 馬沙：
有冇睇星期四新聞？
有一段報道係講一個婚姻介紹所o既負責人，描述一個護士搵老公o既『要求』！
聽完後，我諗我唔會對港女再存有任何幻想了~~~~~
的而且確，護士條件本身就不低了。
意見似乎一面倒，有女士想出來說點什麼嗎？
好多先進國家既女性教育水平同自身條件都唔差, 點解好似只係香港女人搵唔到對象? 關鍵好可能在於文化上既差異…
西方社會對離婚睇得好輕, 有條件既男女離婚後可以再投入單身市場, 三十幾歲女人要搵對象唔太難. 香港離婚率低, 有條件既一結婚就lock-up左, 單身人士搵對象亦唔願意搵d離過婚既… 年紀有番咁上下加上本身有d本事既女士就難d搵對象囉…
香港女仔其實都冇幾多個好似$63.8咁既extreme case, 我認識既女仔好多時只係要求自己既另一半同自己溝通到, 生活水平同自己相若.
相反, 香港冇目標冇見識冇常識既男人多的是啊…
的確, 香港冇目標冇見識冇常識o既男人多的是, 更可悲的是, 香港冇承擔冇責任感o既男人更多。佢地就以香港女仔o係時代下的改變作為借口,去掩飾自己o既問題不單止,還要放大小數香港女仔的問題。香港o既男仔,請拿出少少勇氣來先承擔自己o既問題, 不要每事說香港女仔o既不足,我相信男女問題乃雙向o既。與其話女仔,不如先檢討自己吧！
Running,
唔駛睇新聞啦,護士我識唔少,姐姐都係.
姐姐多年前嫁姐夫時姐夫人工只得姐姐一半.
97年後,護士條件太好了,她們不肯降低要求,冇乜未婚又未拍拖男士附合.