本月28號，Google出新招「GoogleAppsforYourDomain」，以前開一間公司，首先要建立公司網站及電子郵件，成本係買伺服器、伺服器軟件及網頁寄存服務。以後，唔理邊個，只要有一個Domain（互聯網網址），其他由Google一手包辦晒，仲係唔使錢。
於是，有人認為微軟、IBM及Oracle這些靠商業軟件搵食公司，定必首當其衝。不過思哲認為未必，畢竟，他們主要收入，來自大企業或政府機構。相反，Google這次目標，卻係中小型或個人公司。反而網頁寄存服務，很有可能變成夕陽工業，不過Google此招一出，卻反證了以往一個非常錯概念：「免費等如冇value。」例如免費電郵不及企業電郵、免費軟件不及商業軟件、博客比不上記者之類。
再說，梅鐸去年用5.8億美元買下交友網站myspace.com，又係免費服務。現時，myspace全球流量排名第六，係Google.com.hk14倍、同類型網站friendster.com4倍多（資料來源：Alexa.com）。friendster當年嫌Google出手太低，拒絕4000萬美元的收購，今日喊都無謂。
以上列舉的網站，其共同點在於：「免費服務，靠廣告搵錢。」咁myspace呢種服務型網站，會唔會有朝一日搶晒Google同Yahoo!生意？未必，本月初，Google與myspace簽約，未來三年代理晒myspace廣告，而Google代價，就係支付myspace不少於9億美元費用。平均一年3億美元，以現在myspace約一億會員（未計增長人數），一人每年幫Google賺3美元，真係有幾難？
而Google這招「化敵為友」，代理埋myspace廣告，一來可以增加廣告收入，二來進一步將MSN同Yahoo!在互聯網廣告市場邊緣化，還「對沖」了社群網站對Google的正面衝擊。MSN惟有與美國第二大社群facebook結盟，至於Yahoo!，更加無晒計，最近請一大班學者加盟，話要研究互聯網使用者行為，睇有咩新商機。唔知班學者有結論之後，互聯網廣告市場份額，仲剩番幾多呢？
2006年08月30日刊於《蘋果日報》
尹思哲 
兩個月後翻出此文看 可謂大錯特錯了
Oasis不但用了747 而且是機位比其他747更少 更舒適的747 你這部份推論錯誤是錯估了它可以買二手機 新加坡航空最喜歡淘汰飛機 它買一架比買全新的便宜太多了
另外Oasis是定點跨洲際長程直飛 而非蜘蛛網結構 這是你推論中出錯的原因 因為Ryan air或是西南都是用蜘蛛網短程結構 跟Oasis要搶的市場不同
正如文章題目︰甘泉不可能是廉價航空。
甘泉只不過是另一間小型航空，而不是「真正」的廉價航空 Business Model，所以也做不到廉價航空那種「廉價」。
究竟小型航空的生存空間可以有多大呢？想想當年的港龍就可窺一斑。
甘泉可能是廉價航空,但是經營不佳的廉價航空(結業了) 哈哈
很可惜!!! :-(
剛剛果集 money cafe 分析左死因，同思哲講既都係有幾分似
其實孫柏文講得最中point：
low cost carrier被翻譯成「廉價航空」，根本就大錯特錯，正確意思係「低成本航空」
佢個business model唔係追求價錢平，而係追求成本低。
咁都搞錯，甘泉唔失敗至奇